შპს ინგლისური ენის გაძლიერებული სწავლების საშუალო სკოლა ნინო
 
 
 
სიახლეების სორტირება: თარიღის მიხედვით | პოპულარობა | ხილვადობის მიხედვით | კომენტარებით | ანბანის მიხედვით


ყურადღება!!!

ყურადღება!!!
საყურადღებო ინფორმაციაშპს ინგლისური ენის გაძლიერებული სწავლების საშუალო სკოლა ,,ნინოს“ მასწავლებელთა პროფესიული განვითარების შეფასების ჯგუფისათვის!!!

ხვალ,6 ივლისს, 11:00 საათზე, სსიპ ქალაქ თბილისის N97 საჯარო სკოლაში,მასწავლებელთა პროფესიული განითარების ეროვნულ ცენტრი გეგმავს ტრენინგს თემაზე ,,სამოდელო გაკეთილის შეფასება“.
აღნიშნულ ტრენინგზე მოწვეულნი არიან შპს ინგლისური ენის გაძლიერებული სწავლების საშუალო სკოლა ,,ნინოს“ მასწავლებელთა პროფესიული განვითარების შეფასების ჯგუფი

კატეგორია: ახალი ამბები

 


ახალი საკონფერენციო დარბაზი

ახალი საკონფერენციო დარბაზი ჩვენს სკოლაში ტარდება სარეკონსტრუქციო სამუშაოები საკონფერენციო დარბაზის მოსაწყობად.

კატეგორია: ---

 


რესურს ოთახი

რესურს ოთახი შშმ - მოსწავლეთათვის განკუთვნილი რესურ ოთახისთვის, შეძენილ იქნა ახალი თვალსაჩინოებები, მოძველებული პუფები შეიცვალა ახლით, სკოლის ფსიქოლოგმა, ქალბატონმა სოფო ასანიძემ, შემეცნებითი ხასიათის მასალები და დამხმარე სათამაშოებით მოამარაგა რესურს ოთახი. გაკეთდა აღნიშნული ოთახის მიმდინარე კოსმეტიკური რემონტიც, დამონტაჟდა ახალი ჭაღები.

კატეგორია: ---

 


კომპიუტერული კლასის რეკონსტრუქცია

კომპიუტერული კლასის რეკონსტრუქცია შპს ინგლისური ენის გაძლიერებული სწავლების საშუალო სკოლა „ნინოს“ კომპიუტერების კლასში, სადაც წარმატებით ჩატარდა მე_11 და მე_12 კლასების საატესტატო გამოცდები, დიდი რეკონსტრუქცია მიმდინარეობს.
ზაფხულში სკოლის კაპიტალური რემონტის შემდეგ ინფორმატიკის კაბინეტი კიდევ უფრო გაფართოვდება და ახალი, თანამედროვე ტექნოლოგიებით აღიჭურვება.

კატეგორია: ახალი ამბები

 


ექსტერნის გამოცდები ჩვენს სკოლაში

ექსტერნის გამოცდები ჩვენს სკოლაში შპს ინგლისური ენის გაძლიერებული სწავლების საშუალო სკოლაში "ნინო"ორგანიზებულად ჩატარდა ექსტერნის გამოცდები სპეციალურად შექმნილი კომისიის ხელმძღვანელობით, რომელსაც დირექტორის მოადგილე ბატონი ავთანდილ ლომსიანიძე თაოსნობდა.

კატეგორია: ახალი ამბები

 


ტესტების ბანკი

ტესტების ბანკი გამოცდებისა და ჩათვლების, ორგანიზებულად და ხარისხიანად ჩატარების მიზნით, შპს ინგლისური ენის გაძლიერებული სწავლების სკოლაში „ნინო“, ყველა საგნის მიხედვით არსებობს ტესტების ბანკი. იგი მოიცავს დაახლოებით 11500 ტესტს. ყოველი ახალი სასწავლო წლისთვის, ტესტების ბანკი განახლებადია.

კატეგორია: ---

 


5ბ კლასის ექსკურსია კახეთში

5ბ კლასის ექსკურსია კახეთში 20 ივნისს 5ბ კლასი დამრიგებლის ლაშა დოხნაძის ხელმძღვანელობით იმყოფებოდა ექსკურსიაზე მარშრუტით - სიღნაღი, ბოდბე, ნუკრიანი. ექსკურსიაში მონაწილეობდნენ პედაგოგები: თამარ მჟავანაძე, ეკატერინე ფოცხვერია და მშობლები. ისტორიის მასწავლებელმა ლაშა დოხნაძემ ჩაატარა მინი ლექცია ქალაქ სიღნაღის ისტორიის შესახებ.

კატეგორია: ---

 


6ა კლასის ექსკურსია შიდა ქართლში

6ა კლასის ექსკურსია შიდა ქართლში 19 ივნისს 6ა კლასი დამრიგებლის ლაშა დოხნაძის ხელმძღვანელობით იმყოფებოდა ექსკურსიაზე მარშრუტით - სამთავისი, რუისი, სამწევრისი, ყინწვისი, სარკინეთი. ექსკურსიის მსვლელობისას ისტორიის მასწავლებლებმა ნიკოლოზ მჭედლიძემ და ლაშა დოხნაძემ ჩაატარეს მინი ლექცია სამთავისისა და ყინწვისის ტაძრის დაარსებისა და მხატვრული ღირებულების შესახებ.

კატეგორია: ---

 


საატესტატო გამოცდები

საატესტატო გამოცდები შპს ინგლისური ენის გაძლიერებული სწავლების საშუალო სკოლაში „ნინო“ წარმატებით ჩატარდა მე-11 კლასელების საატესტატო გამოცდები. სკოლის დირექცია განსაკუთრებულ მადლობას უხდის ქალბატონებს სალომე ბიწაძეს, ნატო ქავთარაძეს, ნათია ჯანდაგაშვილს, თამილა თამაზაშვილს და თამუნა დარჯანიას გაწეული უდიდესი შრომისთვისა და მოსწავლეების საუკეთესო აკადემიური შედეგებისთვის.

კატეგორია: ახალი ამბები

 


წლიური გამოცდები

წლიური გამოცდები შპს ინგლისური ენის გაძლიერებული სწავლების საშუალო სკოლაში „ნინო“ დამთავრდა წლიური გამოცდები IX-X კლასებში. მონიტორინგის ჯგუფი,სკოლის დირექტორის მოადგილის ბატონი ა ლომსიანიძის ხელმძღვანელობით მუშაობენ შედეგების შეჯამებაზე.

კატეგორია: ---

 


მშობელთა კრებები

მშობელთა კრებები სასწავლო წელი დასასრულს მიუახლოვდა და თითქმის ყველა კლასში ტარდება მშობელთა კრებები .
დაწყებითი კლასის თითქმის ყველა მასწავლებელმა: ეკა კვაჭაძემ, ეკა ბრელიძემ, იზოლდა ნიქაბაძემ და ლია ჭავჭავაძემ უკვე მაისის დასაწყისში ჩაატარეს მშობელთა და მასწავლებელთა საერთო შეკრებები, გაანალიზდა გაწეული მუშაობა, დაწყებითი კლასების თითოეულ მოსწავლეზე დაიწერა ინდივიდუალური დახასიათებები, დაიგეგმა ყოველ კლასში საზაფხულო ღონისძიებები, ექსკურსიები და ა.შ...

კატეგორია: ახალი ამბები

 


სასიამოვნო სიახლე სკოლაში!

სასიამოვნო სიახლე სკოლაში!
ჩვენი სკოლა ავტორიზაციის მაძიებლად იქნა ცნობილი სსიპ - განათლების ხარისხის განვითარების ეროვნული ცენტრის მიერ.
სკოლის დირექცია მადლობას უცხადებს ავტორიზაციის სტანდარტების შესრულების უზრუნველსაყოფად შექმნილ სამუშაო ჯგუფს, სასკოლო საზოგადოებას ავტორიზაციის პროცესში ჩართულობისა და შესრულებული სამუშაოსათვის!

კატეგორია: ---

 


,,უსაფრთხო სკოლა“

,,უსაფრთხო სკოლა“
,,უსაფრთხო სკოლის“ კონცეფციის გათვალისწინებით, სკოლის შიდა და გარე პერიმეტრის კონტროლის მიზნით, სკოლაში დამატებით დამონტაჟდა სამეთვალყურეო კამერები, რაც მანდატურის სამსახურსა და დაცვასა და უსაფრთხოებაზე პასუხისმგებელ პერსონალს დაეხმარება მათთვის დაკისრებული ფუნქციების უკეთ განხორციელებაში.

კატეგორია: ---

 


მე-11 კლასელების საყურადღებოდ!

მე-11 კლასელების საყურადღებოდ!
დაინიშნა ყოველდღიური კონსულტაციები შემდეგ საატესტატო საგნებში: ფიზიკა, ქიმია, ბიოლოგია და გეოგრაფია.
დამატებითი ინფორმაციისთვის გთხოვთ მიმართოთ მე-11 კლასელთა საატესტატო გამოცდების პასუხისმგებელ პირებს ეკატერინე ფოცხვერიას და ქეთევან გორგაძეს.

კატეგორია: ---

 


ავტორიზებული,ბრენდირებული, 25 წლის იუბილარი ინგლისური სკოლა,,ნინო’’ ENGLISH PRIVATE SCHOOL ,,NINO’’

ავტორიზებული,ბრენდირებული, 25 წლის იუბილარი ინგლისური სკოლა,,ნინო’’ ENGLISH PRIVATE SCHOOL ,,NINO’’
შპს ინგლისური ენის გაძლიერებული სწავლების საშუალო სკოლა ,,ნინო’’ ერთ - ერთი პირველი კერძო საშუალო სკოლაა საქართველოში, რომელმაც ფუნქციონირება 1992 წელს დაიწყო.
სკოლის მისიაა: ინტელექტუალური, ზნეწმინდა, განათლებული, შრომისმოყვარე, მაღალი პასუხისმგებლობის მქონე მამულიშვილების აღზრდა. სკოლას აქვს უკვე ჩამოყალიბებული სასწავლო ბაზა, გამორჩეულია საკუთარი ტრადიციებით და რაც სკოლის მრავალწლიანი წარმატების საფუძველია - დაკომპლექტებულია უმაღლესი პროფესიონალიზმმის მქონე, სერთიფიცირებული პედაგოგებით.
ჩვენთან ინგლისური ენის შესწავლა პირველი კლასიდან იწყება. იგი ყოველდღიური სავალდეულო საგანია, გაძლიერებული, კვირაში 10 - საათიანი დატვირთვით. მესამე კლასიდან ბავშვები რუსული ენის დაუფლებას იწყებენ, ხოლო მეხუთე კლასიდან - გერმანული და ჩინური ენებისა. სკოლაში სწავლება პროფილური ხასიათისაა, საქართველოს განათლებისა და მეცნიერების სამინისტროს მიერ დადგენილი რვა საატესტატო საგნის (ქართული ენა, ინგლისური ენა, მათემატიკა, ქიმია, ფიზიკა, ისტორია, გეოგრაფია, ბიოლოგია) გაღრმავებული, ყოველდღიური სწავლებით. სკოლა გარანტირებულ ცოდნას აძლევს მოსწავლეებს სახელმწიფო ატესტატის მისაღებად და აბიტურიენტებს - უმაღლეს სასწავლებლებში მისაღები გამოცდების წარმატებით ჩასაბარებლად. თითოეულ ჯგუფში 15 – 20 მოსწავლეა. ყველა ჩვენი სკოლადამთავრებული წარმატებით აგრძელებს სწავლას ჩვენი და საზღვარგარეთის ქვეყნების წამყვან უმაღლეს სასწავლებლებში.
გარდა ამის, სკოლა ამზადებს მოსწავლეებს TOEFEL- ისა და SAT- ის ტესტების ჩასაბარებლად. ინგლისურში მაღალი დონის მოსწავლეები ფლობენ B2, UPPer–Intermediate და Advanced Level -ს. ჩვენს სკოლაში სწავლობენ უცხო ქვეყნის მოქალაქეები: ჩინეთიდან, აზერბაიჯანიდან, რუსეთიდან, ირანიდან, საბერძნეთიდან, თურქეთიდან და ა. შ. მათთვის გახსნილია ქართული ენის შემსწავლელი სპეციალური ჯგუფები.
სკოლაში სამსახურით დაკავებული მშობლებისათვის დიდი პოპულარობით სარგებლობს გახანგრძლივებული ჯგუფები საღამოს 7 საათამდე, სათანადო კვებით. სკოლაში ფუნქციონირებს ქართული ცეკვის, მუსიკის, ჭადრაკის, ხატვის, კარატეს, ფეხბურთის სექციები.
სკოლაში საღვთო სჯულს ასწავლის მამა პანტელეიმონ წულაძე.
სკოლას ჰყავს ფსიქოლოგი და ექიმი. სკოლას ემსახურება სასკოლო ავტობუსები!
შეიძლება დაბეჯითებით ითქვას, რომ მთელ საქართველოში ჩვენს სკოლაში ყველაზე დაბალი გადასახადის განაკვეთია. ამასთან, დაწესებულია შეღავათები: მრავალშვილიანი დედებისათვის, ობოლი, სოციალურად დაუცველი ბავშვებისათვის.
• სკოლა პირველკლასელებს უფასოდ ურიგებს სახელმძღვანელოებს.
• მე - 10, მე - 11, მე - 12 კლასის ფრიადოსანი მოსწავლეები გათავისუფლებული არიან
გადასახადისაგან.
• სკოლაში, მაღალ კლასებს ბიზნესისა და საბაზრო ეკონომიკის საფუძვლებს ასწავლიან ცნობილი ქართველი ეკონომისტები.
• სკოლაში მოსწავლეებისათვის ფუნქციონირებს საცურაო აუზი, მწვრთნელისა და ექიმის მეთვალყურეობის ქვეშ.
• I კლასში მიიღებიან 20 ოქტომბრამდე დაბადებული ბავშვები.
კეთილი იყოს თქვენი მობრძანება ჩვენს სკოლაში!
თქვენი კეთილი მასპინძელი, სკოლის დამფუძნებელი და დირექტორი: ეკონომიკის მეცნიერებათა დოქტორი, საქართველოს ეკონომიკის მეცნიერებათა აკადემიის აკადემიკოსი, პროფესორი ლამარა ქოქიაური.

ელ - ფოსტა: lqoqiauri@yahoo.com;nino-qoqiauri@mail.ru;
სკოლის ვებ - გვერდი: http://ninoskola.ge
მისამართი: ვარკეთილი, ზემო პლატო, მე - 2 მ/რ, 11ა. ტელ: 2 760595; 577 257177; 599 906011;

კატეგორია: ---

 


ქალბატონებო და ბატონებო! ძვირფასო მოსწავლეებო და მშობლებო!

ქალბატონებო და ბატონებო! ძვირფასო მოსწავლეებო და მშობლებო!
ქალბატონებო და ბატონებო!

ძვირფასო მოსწავლეებო და მშობლებო!


შპს ინგლისური ენის გაძლიერებული სწავლების საშუალო სკოლაში ''ნინო'' ფუნქციონირებს თანამედროვე სტანდარტებით აღჭურვილი ბავშვთა საცურაო აუზი. აუზში მუშაობენ და ბავშვებს ცურვას ასწავლიან ცნობილი მწვრთნელები ქალბატონი ნ.ალადაშვილი და ბატონი გ.გოქაძე .


მობრძანდით! ცურვის სწავლების გადასახადი მინიმალურია .

გამაჯანსაღებელი ბავშვთა საცურაო აუზი მუშაობს ყოველ დღე, დილის 9 საათიდან საღამოს 9 საათამდე.

მის :ვარკეთილი ზემო პლატო ,მე-2 მიკრო რაიონი 11-ა ინგლისური სკოლა''ნინო''.

ტელეფონები:227-85-77, 599-90-60-11, 276-05-95

კატეგორია: ---

 


მზადება სკოლის დაარსების 25-ე წლისთავისთვის

მზადება სკოლის დაარსების 25-ე წლისთავისთვის
შპს ინგლისური ენის გაძლიერებული სწავლების საშუალო სკოლა "ნინო" ინტენსიურად ემზადება სკოლის დაარსების საიუბილეო წლისათვის.სკოლის დაარსების 25-ე წლის აღსანიშნავად გაანალიზდა ჩვენი სკოლის ყველა კურსდამთავრებულის შემდგომი წამატებები.საქართველოს ნებისმიერი სკოლა იამაყებდა ჩვენი ყოფილი მოსწავლეების მიღწევებით.

ყველაზე წარმატებული მაინც ჩვენი საყვარელი და უნიჭიერესი გოგონა მარიამ შავერდაშვილია.მან ყველა საატესტატო გამოცდაზე,რვავე საგანში მიიღო ფრიადი 10 ქულა.ამჟამად სწავლობს საქართველოს სახელმწიფო სამედიცინო უნივერსიტეტში ინგლისურენოვან ფაკულტეტზე, სტიპენდიანტი და იქაც ერთ-ერთი წარმატებული სტუდენტია .

მარიამს სწორს არ უდებს ჩვენი ნათია მამაიაშვილი , რომელმაც 7 ათიანი მიიღო , ლევან და გიორგი ჯიქიები , ლევან კიღურაძე ,ნინო ფუტკარაძე. მარიამი ჭელიძე, გიორგი მიდელაური, ინგა ფრიდონაშვილი, გიორგი შუბითიძე, გიორგი გულისაშვილი,გვანცა ოქრიაშვილი,სხვები და სხვები ; ათობით ჩვენი სკოლა გავლილი, საოცრად ნიჭიერი და არაჩვეულებრივი ყოფილი მოსწავლე უკვე ქვეყნის სამსახურშია და გულწრფელად ვამაყობთ მათი წარმატებებით. !

გზადალოცვილები იყავით, ჩვენო ძვირფასებო!

კატეგორია: ---

 


,,მე და დედამიწა’’

,,მე და დედამიწა’’ ბავშვთა დაცვის საერთაშორისო დღესთან დაკავშირებით სკოლის დირექციის ორგანიზებით დაწყებითი საფეხურის მოსწავლეებს ჩაუტარდათ ღონისძიება სლოგანით: ,,მე და დედამიწა’’.
პატარებმა მოისმინეს ლექცია - გაკვეთილები ბავშვთა უფლებების შესახებ, სკოლის ეზოში შეასრულეს მხიარული ნახატები, დაურიგდათ ფერადი ბუშტები.

კატეგორია: ახალი ამბები

 


სტუმრად გოეთეს ინსტიტუტში

სტუმრად გოეთეს ინსტიტუტში
გოეთეს ინსტიტუტში 2016 წლის 29 მაისს ბავშვებისთვის ჩატარდა ღონისძიება "კითხვის ფესტივალი". ღონიძიებაში მონაწილეობა მიიღეს შპს ინგლისური ენის გაძლიერებული სწავლების საშუალო სკოლა ნინოს მე-5 კლასის მოსწავლეებმა საგნის მასწავლებლის ეკა ფოცხვერიას ხელმძღვანელობით. მოსწავლეებმა დაათვალიერეს, წაიკითხეს და მოისმინეს საბავშვო და საყმაწვილო წიგნები. მონაწიელობა მიიღეს სახალისო გაკვეთილში "ვისაუბროთ და ვიმღეროთ გერმანულად". დახატეს პაო კლეს მიხედვით "სახეები". ნახეს თეატრალური წარმოდგენა "მძინარე მზეთუნახავი" (გერმანულად).

კატეგორია: ახალი ამბები

 


ახალი სპორტული მოედანი

ახალი სპორტული მოედანი
სკოლაში ინტენსიურად მიმდინარეობს ახალი სპორტული მოედნის მშენებლობა. მოედნის მშენებლობა გეგმის მიხედვით მიმდინარეობს და უახლოეს თვენახევარში დამთავრდება.

კატეგორია: ახალი ამბები

 

უკან წინ